کراچی میں 3 نئے بس روٹس شروع کرنے کا اعلان

کراچی(امت نیوز)سندھ حکومت نے کراچی میں 3 نئے بس روٹس شروع کرنے کا اعلان کر دیا۔
کراچی میں پریس کانفرنس کرتے ہوئے وزیرِ اطلاعات سندھ شرجیل میمن نے بتایا کہ  13، 14 اور 18 اپریل کو کراچی میں بسوں کے نئے روٹ شروع کر رہے ہیں۔

انہوں نے کہا کہ 13 اپریل کو ملیر سے الیکٹرک بس شروع کر رہے ہیں، جو الآصف مارکیٹ سے ٹینک چوک تک اور ٹینک چوک سے نمائش تک جائے گی۔

شرجیل میمن کا مزید کہنا ہے کہ 14اپریل کو بحریہ ٹاؤن تا ٹینک چوک الیکٹرک بس شروع کی جائے گی۔

انہوں نے یہ بھی بتایا کہ 18 اپریل کو پیپلز بس سروس نارتھ کراچی تا ڈاکیارڈ روڈ شروع کی جائے گی۔