باجوڑ میں گاڑی پر فائرنگ،عالم دین مولانا نصیب گل جاں بحق

باجوڑ(نمائندہ امت )باجوڑ کی تحصیل ماموند لغڑئ بازار میں گاڑی پر نامعلوم افراد کی  فائرنگ سے  عالم دین مولانا نصیب گل موقع پر جاں بحق ہوگئے

ساتھی مولانا مفتی شفیع الله جو مدرسہ تعلیم القرآن جنگزے ماموند کے مہتمم بھی ہیں، شدید زخمی ہوگئے ۔انہیں  فوری طور پر ہیڈکوارٹر ہسپتال خار منتقل کیا گیا جہاں ان  حالت تشویشناک  ہونے کے باعث پشاور ریفر کیا گیا

وقوعہ کے بعد بازار میں کھلبلی مچ گئی اور دکانداروں نے دکانیں بند کردیں۔

واقعے کے بعد علاقے میں خوف و ہراس پھیل گیا دوسری طرف باجوڑ پولیس نے واقعے کے بعد پورے علاقے میں سرچ آپریشن شروع کیا ہے اور لوگوں کی جامہ تلاشی لی جا رہی ہے