کچلاک میں فائرنگ سے 2پولیس اہلکارشہید،2زخمی

کوئٹہ(امت نیوز)بلوچستان کے شہرکچلاک میں ایگل اسکواڈ پر فائرنگ سے دو پولیس اہلکار شہید اور دو زخمی ہوگئے۔

پولیس کے مطابق واقعہ کچلاک کے علاقے کلی سپن میں پیش آیا۔ زخمی اہلکاروں کو طبی امداد کے لیے سی ایم ایچ منتقل کردیا گیا۔

پولیس کے مطابق جوابی فائرنگ میں ایک دہشت گرد بھی مارا گیا جبکہ دو دہشت گرد زخمی ہوئے۔ واقعے کے بعد علاقے کی ناکہ بندی کرکے ملزمان کی تلاش شروع کردی ہے۔

وزیراعلیٰ بلوچستان میرعبدالقدوس بزنجو نے کچلاک میں ایگل اسکواڈ کے اہلکاروں پر فائرنگ کے واقعہ کی مذمت کرتے ہوئے دو اہلکاروں کی شہادت پر دکھ اور افسوس کا اظہار کیا ہے۔

وزیراعلیٰ نے جوابی فائرنگ سے ایک دہشت گرد کو ہلاک اور دو کو زخمی کرنے پر سیکورٹی اہلکا وں کو خراج تحسین کرتے ہوئے کہا کہ قوم دہشت گردی کے خلاف جنگ میں سیکیورٹی فورسز کے ساتھ ہے۔

وزیراعلیٰ نے شہید اہلکاروں کے خاندانوں سے تعزیت ہمدردی اور یکجہتی کا اظہار بھی کیا