شاہدآفریدی،علی ظفرکی بدولت کک باکسرآغاکلیم نے ٹریننگ شروع کردی

لاہور(امت نیوز)پاکستان کے معروف گلوکار علی ظفر، قومی ٹیم کے سابق کپتان شاہد آفریدی کی کاوشوں کی بدولت معروف کک باکسر آغا کلیم نے دوبارہ ٹریننگ کا آغاز کر دیا۔

خیال رہے کہ لاہور سے تعلق رکھنے والے کلیم نے کک باکسنگ میں متعدد قومی اور بین الاقوامی ٹائٹل جیت چکے ہیں۔

سماجی رابطے کی ویب سائٹ ٹویٹر پر شئیر ویڈیو میں آغا کلیم سڑک کے کنارے ریسٹورنٹ میں پراتھے  بنا رہے ہیں۔

ویڈیو کے ساتھ کک باکسر نے مدد کی اپیل کی تھی۔

Need your support @Shoaib_Jatt @kashifbuttpew @imransiddique89 @SAfridiOfficial @sib_dia @SagharOfficial1 @fozisidd @SDJasmine @GovtofPunjabPK @GovtofPakistan @dpr_gob @SindhGovt1 @iihtishamm @rooshni141947 @Rnawaz31888 @rukshi29450849 @Ruftaj @mariya_raj10 @RedWishDotCom pic.twitter.com/Ih0yQojLu4

— Kickboxer Agha Kaleem (@AghaKickboxer) March 30, 2023

یہ ویڈیو سامنے آنے کے بعد شاہد آفریدی ٹویٹ کو ری ٹویٹ کرتے ہوئے لکھا کہ ہم یہ ذمہ داری اٹھانے کے لیے پوری طرح تیار ہیں اور انشا اللہ آپ کے کیریئر کو آگے بڑھانے کے لیے آپ کی مدد کریں گے۔

سابق کپتان نے آغا کلیم کو مشورہ دیتے ہوئے کہا کہ شاہد آفریدی فاؤنڈیشن، میگا اسٹار لیگ تک رسائی حاصل کرو جو اسی مقصد کے لیے بنائی گئی ہے۔ یہ دونوں فاؤنڈیشن اسی مقصد کے لیے بنائی گئی ہیں۔ دونوں کو آپ کے بارے میں آگاہ کر دیا گیا ہے۔

دوسری طرف گلوکار علی ظفر نے بھی باکسر آغا کلیم کی مدد کا اعلان کر کے دل جیت لیے۔

علی ظفر نے ٹویٹر پر جواب دیتے ہوئے کہا کہ ہمیں اپنے قومی ہیروز کی قدر کرنی چاہئے۔ خاص طور پر ان لوگوں کی جنہوں نے ہمیں بین الاقوامی سطح پر فخر دلایا ہے۔

انہوں نے کہا کہ ایسے ٹیلنٹ کو روکنے والے اسپورٹس مافیاز کو ختم کیا جانا چاہیے، میں آغا کلیم کی مالی مدد کروں گا۔

علی ظفر نے کلیم کو رنگ میں واپس آنے اور دوبارہ لڑنے کی ترغیب دی۔ جبکہ اپنی اگلی فلم کے لیے کلیم آغا کے ساتھ ٹریننگ کی بھی پیشکش کی۔

Allhmduillah Back To Training JazakAllah 😇❤️🇵🇰@SAfridiOfficial @AliZafarsays @SAFoundationN In shaa Allah next plan Dubai For heigh level Muay Thai kickboxing camp 🙏🇵🇰 pic.twitter.com/DelibgSVA8

— Kickboxer Agha Kaleem (@AghaKickboxer) April 9, 2023

دوبارہ پریکٹس شروع کرنے کے بعد کک باکسر آغا کلیم نے سماجی رابطے کی ویب سائٹ ٹویٹر پر ایک ویڈیو شیئر کرتے ہوئے لکھا کہ ٹریننگ کا آغاز ہو گیا ہے، میں شاہد آفریدی اور علی ظفر کا مشکور ہوں جنہوں نے میری مدد کی۔ اگلی منزل دبئی میں ہونے والا ایونٹ ہے۔

اس ٹویٹ کو ری ٹویٹ کرتے ہوئے گلوکار علی ظفر نے لکھا کہ بہت زبردست، انشا اللہ آپ جیت جائیں گے۔