کراچی : پی ای سی ایچ ایس سوسائٹی میں پلاٹ تنازع پر فائرنگ۔ خوف وہراس

کراچی(اسٹاف رپورٹر) فیروزآباد کے علاقے پی ای سی ایچ ایس سوسائٹی بلاک ٹو میں دو گروپوں میں مسلح تصادم کے نتیجے میں شدید ہوائی فائرنگ سے علاقے میں خوف و ہراس پھیل گیا، پولیس اطلاع ملنے پر موقع پر پہنچی تو ملزمان فرار ہوچکے تھے ، اس حوالے سے پولیس حکام نے بتایا کہ دو گروپوں میں جھگڑا اور فائرنگ مبینہ طور پر پلاٹ کے تنازع پر ہوا تھا۔

ایک ہزار گز کے پلاٹ پر دو پارٹیوں میں کافی عرصہ سے تنازع چل رہا ہے، پولیس کا کہنا تھاکہ گذشہ روز بھی ایک گروپ کی جانب سے پلاٹ پر قبضے کی کوشش کی گئی جس کے بعد فائرنگ ہوئی،تاہم فائرنگ میں ملوث افراد کی تلاش شروع کردی ہے۔