پشاور، تخت بیگ چیک پوسٹ پر خود کش دھماکے میں ملوث 6 دہشت گرد گرفتار

پشاور: سی ٹی ڈی (کاؤنٹر ٹیررازم ڈپارٹمنٹ) نے پشاور تخت بیگ چیک پوسٹ پر خود کش دھماکے میں ملوث مبینہ 6 دہشت گردوں کو گرفتار کر لیا۔

سی ٹی ڈی کی جانب سے کہا گیا ہے کہ 2 مزید دہشت گردوں کو گرفتار کرنے کیلیے کوششیں جاری ہیں۔ خود کش بمبار نے 2 ماہ پہلے تخت بیگ چیک پوسٹ پر خودکش دھماکہ کیا تھا جس میں 2 پولیس اہلکاروں سمیت 3 افراد شہید ہوئے تھے۔

یاد رہے کہ چیک پوسٹ پر 4 دہشت گردوں نے حملہ کیا تھا جنہوں نے فائرنگ اور دستی بموں سے حملہ کیا جبکہ ایک دہشت گرد نے خود کو دھماکے سے اڑا لیا تھا۔