پاکستان نے نیوزی لینڈ کو 88رنز سے شکست دیدی

لاہور(اُمت نیوز) پانچ ٹی 20 میچز کی سیریز کے پہلے ٹی 20میچ میں پاکستا ن نے نیوزی کو 88 رنز سے شکست دیدی ہے۔
تفصیلات کے مطابق نیوزی لینڈ کیخلاف پاکستان نے پہلے کھیلتے ہوئے 19.5 اوورز میں 182رنز بنائے تھے۔ ہدف کے تعاقب میں نیوزی لینڈ کی پوری ٹیم 94 رنز پر ڈھیر ہوگئی ۔
شاہین آفریدی ، زمان خان ، فہیم اشرف ، شاداب خان نے ایک ایک وکٹ حاصل کی۔عماد وسیم نے دو کھلاڑیوں کو آئوٹ کیا ۔حارث رائوف کامیاب بائولر رہے انہوں نے چار کھلاڑیوں کو آئوٹ کیا ۔
نیوزی لینڈ کی طرف سےٹام لیتھم20، چاڈ بوز1، ول ینگ2، ڈیرل مچل11، مارک چیپ مین34، جیمز نیشم15۔ راچن رویندرا2، ایڈم ملنے3رنز بنا کرآئوٹ ہوئے، میٹ ہنری اور بین لسٹربغیر کوئی رنز بنائے آئوٹ ہوئے۔
پاکستان نے ٹاس جیت کر پہلے بیٹنگ کرنے کافیصلہ کیا تھا۔ پاکستان کی پہلی وکٹ 14کے سکور پر گری جب محمد رضوان ایل بی ڈبلیو آئوٹ ہوئے ۔ دوسرے آئوٹ ہونے بیٹسمین بابر اعظم جو 9رنز بنا کر مائن کی گیند پر بولڈ ہوگئے۔بابر اعظم کے آئوٹ ہونے کے بعد صائم ایو ب اور فخر زمان نے ذمہ دارانہ بیٹنگ کی ۔ تیسرے آئوٹ ہونے والے کھلاڑی صائم ایوب تھے جو47رنز بنا کر رن آئوٹ ہوئے ۔چوتھے آئوٹ ہونے والے کھلاڑی شاداب خان ہیں جنہوںنے پانچ رنز اسکور کیے ۔123رنز پر پاکستان کی پانچویں وکٹ جب افتخار احمد آئوٹ ہوئے انہوں نے کوئی رنز اسکور نہیں کیے۔131 رنز پر فخر زمان بھی سودھی کی گیند پر کیچ آئوٹ ہوگئے۔عماد وسیم 16، شاہین آفریدی ایک رنز بنا سکے۔ فہیم اشرف نے 16 بال کھیل کر22 رنز اسکور کیے۔حارث رائوف 11 رنز بناکر آئوٹ ہوئے
پاکستان الیون: بابر اعظم (کپتان)، محمد رضوان (وکٹ کیپر)، فخر زمان، صائم ایوب، شاداب خان، افتخار احمد، عماد وسیم، فہیم اشرف، شاہین شاہ آفریدی، حارث رؤف، زمان خان
نیوزی لینڈ الیون: ٹام لیتھم (سی اینڈ ڈبلیو)، چاڈ بوز، ول ینگ، ڈیرل مچل، مارک چیپ مین، جیمز نیشم۔ راچن رویندرا، ایڈم ملنے، میٹ ہنری، ایش سودھی، بین لسٹر