سکردو: بارش کے باعث لینڈسلائیڈنگ سے شاہراہ قراقرم بند ہوگئی

سکردو(امت نیوز) شہراور گردونواح میں بارش کے باعث لینڈسلائیڈنگ سے شاہراہ قراقرم بند ہوگئی۔۔

سکردو شہر اور گردونواح میں بارش کاسلسلہ شروع ہوگیا۔بارش کے بعد لینڈ سلائیڈنگ سے شاہراہ قراقرم بندہوگئی۔جس کے باعث ٹریفک کی روانی معطل ہوگئی۔کئی مسافر پھنس گئے ہیں۔

محکمہ موسمیات نے آئندہ چوبیس گھنٹوں کے دوران ملک بالائی اورمغربی علاقوں میں چند مقامات پرتیزہوائوں،آندھی اورگرج چمک کے ساتھ بارش جبکہ بعض مقامات پرمو سلا دھاربارش کا امکان ظاہر کیا ہے۔

محکمہ موسمیات کے مطابق آج سے اسلام آباد، خیبرپختونخوا، کشمیر، گلگت بلتستان،با لا ئی ،وسطی پنجاب اورشمال مشرقی بلوچستان میں چند مقامات پرتیزہوائوں،آندھی اورگرج چمک کے ساتھ بارش کا امکان ہے۔اس دوران بعض مقامات پرموسلا دھاربارش کی بھی توقع ہے ۔