اداکارہ سعیدہ امتیاز کی موت کی خبر جھوٹی نکلی

لاہور(امت نیوز)پاکستانی ماڈل اور اداکارہ سعیدہ امتیاز کی موت کی خبریں غلط ثابت ہوئیں اداکارہ زندہ ہیں اور ٹھیک ہیں۔

اداکار صائم علی نے بھی اداکارہ کے ساتھ ایک تصویر شیئر کی ہے اور ساتھ لکھا ہے ’الحمد اللہ، میری دوست بالکل ٹھیک ہے اور موت کی خبریں غلط ہیں

فنکارہ کے قانونی مشیر سید مدبر رضوی کی جانب سے یہی بات کہی گئی ہے کہ موت کی خبر درست نہیں

اداکارہ کے لیگل ایڈوائزر میاں شہباز احمد نے بتایا کہ سعیدہ امتیاز کے سوشل میڈیا اکاؤنٹس کس نے ہیک کیے اور اس کے پیچھے کیا معاملات ہیں اس پر قانونی کارروائی کی جائے گی

اپنے کام سے جلد ہی شوبز انڈسٹری میں نام بنانے والی سعیدہ امتیاز کی پیدائش متحدہ عرب امارات میں ہوئی ہے اور وہ یو اے ای اور امریکا میں پلی بڑھیں۔ اداکاری اور ماڈلنگ کا شوق انہیں پاکستان لے آیا۔

سعیدہ امتیاز نے فلم ’قلفی‘، ’ریڈرم‘، ’تھوڑی سیٹنگ تھوڑا پیار‘، ’وجود‘، اور فلم ’کپتان‘ میں اداکاری کے جوہر دکھائے۔

یاد رہے کہ عمران خان پر بننے والی فلم ’کپتان‘ میں سعیدہ امتیاز نے جمائما کا کردار ادا کیا ہے