کچے کے علاقے میں پولیس نے نو گو ایریاز ختم کر دیے

گھوٹکی: کچے کے علاقے میں پولیس نے نو گو ایریاز ختم کر دیے، بدنام زمانہ ڈاکو قابل سکھائی کا خفیہ ٹھکانہ گھیر لیا ، دونوں اطراف سے شدید فائرنگ کا سلسلہ جاری ہے۔

پولیس نے کچے کے ڈاکووں کے قبضے میں علاقے کلیئر کروا کر مزید کیمپ قائم کر لیے ہیں اور نفری تعینات کر دی ۔ علاقے کے بدنام زمانہ ڈاکو، اغوا کار اور عسکریت پسند قابل سکھائی کے خفیہ ٹھکانے تک پولیس پہنچ گئی جسے بھاری نفری نے گھیرے میں لے لیا۔

ترجمان پولیس کے مطابق ڈاکو قابل سکھائی کے ٹھکانے کے چاروں طرف دریائے سندھ تیز رفتاری سے بہہ رہا ہے، پولیس اور ڈاکو قابل سکھائی کے گروہ کے درمیان شدید فائرنگ کا تبادلہ وقفے وقفے سے جاری ہے، ڈاکو کے ساتھی بھاری ہتھیاروں کا استعمال کر رہے ہیں۔