کورنگی کی فیکٹری میں لگنے والی آگ پرقابو پالیا گیا

کراچی(اسٹاف رپورٹر)کورنگی صنعتی ایریا میں گم فیکٹری میں آگ لگ گئی،جس نے متصل تولیہ فیکٹری کو بھی جزوی طور پر لپیٹ میں لے لیا تاہم فائر فائرفائٹرز نے آگ پر پالیا ۔ کوئی جانی نقصان کی اطلاع موصول نہیں ہوئی۔
تفصیلات کے مطابق کورنگی صنعتی ایریا سیکٹر 26 میں قائم پلاٹ نمبر 49میں فیکٹری میں آگ کی اطلاع پر فائربریگیڈ کی گاڑیاں موقع پہنچ گئی پولیس اور ریسکیو عملہ بھی موقع پر پہنچ گیا، فائر فائٹرزنے آگ پر قابوپانے کی کوششیں شروع کردی اس دوران آگ نے متصل تولیہ فیکٹری کو بھی لپیٹ میں لے لیاجس کے باعث تولیہ فیکٹری میں بھی آگ بھڑک اٹھی

فائرفائٹرز نے ایک گھنٹےکی جدوجہد کے بعد آگ پر قابو پالیا ، اس حوالے سے کورنگی فائر اسٹیشن کے انچار ج ظفر نے بتایا کہ آگ یونائیٹیڈ گم فیکٹری کے اندرقائم گودام میں لگی تھی جس میں کیمیکلز کے ڈرم بھی موجود تھے جو زور دار دھماکے سے پھٹے جس سے علاقے میں خوف ہراس پھیل گیا ، گودام کے اندر پھسلن زیادہ ہونے کی وجہ سے فائر فائٹرز کوپریشانی کا سامنا کرنا پڑا
انہوں نے بتایا کہ ایک گھنٹے کی جدوجہد کے بعد آگ پر قابو پالیا گیاہے ۔ تولیہ فیکٹری کو جزوی طور پر نقصان پہنچا تھا تاہم دونوں فیکٹریوں میںکولنگ کا عمل جاری ہے ، آگ بجھانے میں پانچ گاڑیوں نے حصہ کیا ۔ فوری طور آگ لگنے کی فوری وجوہات سامنے نہیں آسکیں ۔خوش قسمتیسے کوئی جانی نقصان نہیں ہوا مالی نقصان کا بھی فوری تعین نہیں ہوسکا ۔