ادا کارہ پرینیتی چوپڑا اور راگھو چڈھا کی منگنی ہوگئی

ممبئی:  پرینیتی اور راگھو چڈھا کی منگنی ہوگئی ہے، شادی کب ہونے جا رہی ہے اس حوالے سے فی الحال  تاریخ سامنے نہیں  آئی لیکن شادی کی تقریب کس مہینے میں ہو گی اس بارے میں ضرور بتا دیا گیا ہے ۔

بھارتی میڈیا کے مطابق پرینیتی چوپڑا کی عام آدمی پارٹی کے رہنما راگھو چڈھا سے  شادی رواں برس اکتوبر میں ہوگی۔

جوڑے کے قریبی ذرائع نے انکشاف کیا ہے کہ ان کی منگنی قریبی رشتہ داروں اور دوست احباب کی موجودگی میں ہوئی ۔ منگی کی رسم خاندانی معاملہ تھا اور وہ دونوں خوش ہیں۔  پرینیتی اور راگھو چڈھا کی شادی کی تقریب میں پریانکا چوپڑا بھی شرکت کرسکیں گی کیونکہ وہ رواں سال کے اختتام سے قبل جیو مامی فلم فیسٹیول میں شرکت کے لیے بھارت کا دورہ کریں گی۔

واضع رہے گزشتہ چند دنوں سے بالی ووڈ کی نٹ کھٹ اداکارہ پرینیتی چوپڑا  اور سیاسی رہنما کی شادی سے متعلق خبریں گردش کر رہی تھیں ان خبروں نے اُس وقت طول پکڑا جب اداکارہ کو ڈیزائنر منیش ملہوترا کے گھر کے باہر منگنی کی انگوٹھی پہنے ہوئے دیکھا گیا۔