لودھراں:بےقابوٹرک فقیروں کی جھونپڑیوں پر چڑھ گیا،8جاں بحق

لودھراں(امت نیوز)لودھراں کے علاقے دنیا پور میں کہروڑ پکا چوک کے قریب تیز رفتار ٹرک  بے قابو ہوکر فقیروں کی جھونپڑیوں پر چڑھ گیا، خواتین اور بچوں سمیت 8 افراد جاں بحق اور 4 افراد شدید زخمی ہوگئے۔

صبح سویرے آئل ٹرک خانیوال سے بہاولپور جارہا تھا کہروڑپکا چوک کے قریب ٹرک کا ٹائر پھٹ گیا جس کی وجہ سے ٹرک بے قابو ہوکر سڑک کنارے چھونپڑیوں پر چڑھ گیا۔

جھونپڑیوں میں سوئے ہوئے افراد جس میں دو خواتین، دو بچیاں، دو بچے اور ایک مرد موقع پر جاں بحق ہوگئے جبکہ دو خاتون دو مرد شدید زخمی ہوگئے جنہیں تحصیل ہیڈکوارٹر اسپتال منتقل کردیا جہاں ایک خاتون ارم زخموں کے تاب نہ لاتے ہوئے جان بحق ہوگئی

متاثرہ خاندان کے سربراہ لدھا نے اس حادثہ کو اتفاقی قرار دیتے ہوئے کوئی بھی قانونی کاروائی کرنے سے انکار کردیا ہے۔

ادھر اس المناک حادثہ میں جاں بحق اور زخمیوں کے لیے ڈسٹرکٹ پولیس آفیسر اور ڈی سی لودھراں نے پچاس پچاس ہزار روپے کی مالی امداد کی ہے