چاچا افتخار نے ساتھی کھلاڑیوں کوعیدی دے دی

راولپنڈی (اُمت نیوز) قومی کرکٹ ٹیم میں ’’چاچا ‘‘کے نام سے پہچانے جانے والے افتخار احمد نے ساتھی کھلاڑیوں سے کیا وعدہ پورا کر دیا۔
چند روز قبل کرکٹ بورڈ کی جانب سے سوشل میڈیا پر ڈریسنگ روم کی ایک ویڈیو شیئر کی گئی تھی جس میں ٹیم کے کپتان بابر اعظم کو مڈل آرڈر بیٹر افتخار احمد سے عیدی دینے کا مطالبہ کرتے دیکھا گیا جبکہ وکٹ کیپر بیٹر محمد رضوان نے بھی بابراعظم کا ساتھ دیتے ہوئے عیدی کا تقاضا کیا تھا۔

Eidi extravaganza with @IftiMania as he spreads joy among his Pakistan teammates 🙌#PAKvNZ | #CricketMubarak pic.twitter.com/m1Pgunih7I

— Pakistan Cricket (@TheRealPCB) April 24, 2023

افتخار احمد کی جانب سے سوشل میڈیا صارفین سے مشورہ مانگا گیا تھا کہ کیا میرا ان لوگوں کو عیدی دینا بنتا ہے، اب پاکستان کرکٹ بورڈ کی جانب سے ایک اور دلچسپ ویڈیو شیئر کی گئی ہے جس میں افتخار احمد کو پاکستانی ٹیم کے تمام کھلاڑیوں کو عیدی دیتے دیکھا جا سکتا ہے۔
ویڈیو میں دیکھا جا سکتا ہے کہ افتخار احمد نے ہاتھ میں کافی سارے انویلپ تھام رکھے ہیں اور وہ ڈریسنگ روم میں آتے ہی کہتے ہیں جسے عیدی چاہیے وہ آ جائے اور پھر وہ باری باری تمام کھلاڑیوں میں عیدی تقسیم کرنا شروع کر دیتے ہیں۔

Kya mera in sab ko Eidi dena banta hai? 🤔 pic.twitter.com/7A2EkumsDY

— Iftikhar Ahmad (@IftiMania) April 21, 2023

شاداب خان نے افتخار احمد کی جانب سے ملنے والی عیدی کا انویلپ کھولتے ہوئے دکھایا کہ اس میں 500 روپے ہیں جبکہ فہیم اشرف نے افتخار احمد سے اپنا انویلپ لینے کے بعد چالاکی سے ایک اور انویلپ حاصل کیا، اس طرح وہ افتخار احمد سے سب سے زیادہ عیدی لینے والے قومی کھلاڑی رہے۔