کراچی: سعید آباد اور گلشن اقبال سے 5ملزم پکڑے گئے

کراچی(اسٹاف رپورٹر) رینجرز اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے سعید آباد ٹاؤن نوری قبرستان اور گلشن اقبال سے ڈکیتی، چوری، اسٹریٹ کرائم کی متعدد وارداتوں میں ملوث 5ملزمان شہر یار عرف شیرا، ذیشان عرف نری، جاوید عرف گورکن شہر یار عرف شرتا اور فرحان کو گرفتار کر لیا۔

ملزمان کے قبضے سے غیر قانونی اسلحہ،چھینے ہوئے موبا ئل فونز اور نقدی بھی برآمد کر لی گئی۔ترجمان رینجرز کے مطابق 3ملزمان شہر یار عرف شیرا، ذیشان عرف نری اور جاوید عرف گورکن نے کراچی کے مختلف علا قوں سعید آباد، شیر شاہ، بنا رس، گلشن اقبال اورسہراب گو ٹھ میں ڈکیتی، چوری اور موبا ئل فونز چھیننے کی متعدد وارداتوں میں ملو ث ہو نے کا اعتراف کیا ہے۔

ملزمان نے مزید انکشاف کیا ہے کہ انکا تعلق ایک ڈکیت گروہ سے ہے جبکہ دیگر 2ملزمان شہر یار عرف شرتا اور فرحان نے کراچی کے مختلف علا قوں گلشن اقبال، صفورہ، اورنگی ٹاؤن، نا ظم آباد، نا گن چورنگی اور شفیق موڑ میں ڈ کیتی اور چوری کی متعدد وارتوں میں ملو ث ہو نے کا اعتراف کیا ہے۔گرفتارملزمان کو بمعہ اسلحہ، موبا ئل فونز اور نقدی مزید قانونی کاروائی کے لیے پولیس کے حوالے کر دیا گیا ہے۔