لیبیا سے اٹلی جانے والی2کشتیاں ٹکراگئیں،پاکستانیوں سمیت57افرادہلاک

طرابلس(انٹرنیشنل ڈیسک)لیبیا سے اٹلی جانے والی دو کشتیاں ٹکرا نے سے پاکستانیوں سمیت 57 افراد ڈوب کر جان سے ہاتھ دھو بیٹھے ۔

برطانوی خبر رساں ادارے کے مطابق حادثے میں زندہ بچ جانے والے مصری شہری  بسام محمود نے بتایا کہ منگل کی دوپہر 2 بجے کے قریب یورپ کے لیے روانہ ہونے والی کشتی میں 80 کے قریب مسافر سوار تھے۔

انہوں نے بتایا کہ منظر خوفناک تھا ، اسی دوران کچھ لوگ میرے سامنے ڈوب کر ہلاک ہوگئے

کوسٹ گارڈ حکام کے مطابق مشرقی طرابلس کےعلاقے  قرابلی سے بچے سمیت گیارہ لاشیں برآمد کی گئیں۔ تارکین وطن کا تعلق پاکستان، شام، تیونس اور مصر سے تھا۔