ٹھٹھہ: کینجھر جھیل جانے والوں کی گاڑی کو خوفناک حادثہ، 9 جاں بحق

ریسکیو ذرائع نے بتایا کہ گاڑی میں سوار بدقسمت مسافروں کا تعلق کراچی سے تھا جو تفریح کی غرض سے کینچھر جھیل آئے تھے، ٹول پلازہ کے قریب ٹرک نے بریک لگایا تو تیز رفتار سوزوکی ہائی روؤف ٹرک میں جاگھسی اور مکمل تباہ ہوگئی۔حادثے کے مقام پر امدادی کارروائیاں جاری ہیں، اندھیرے کی وجہ سے رضاکاروں کو مشکلات کا بھی سامنا ہے۔

دوسری جانب وزیراعلیٰ سندھ سید مراد علی شاہ نے ٹھٹھہ کے قریب روڈ حادثے میں انسانی جانوں کے نقصان پر گہرے دکھ کا اظہار کرتے ہوئے ضلعی انتظامیہ اور پولیس کو زخمیوں کو فوری اسپتال منتقل کرنے کی ہدایت کی۔ وزیراعلیٰ نے انتظامیہ کو ہر صورت متاثرہ اہل خانہ کی مکمل مدد کرنے کی ہدایت کرتے ہوئے ٹھٹھہ اسپتال میں ایمرجنسی نافذ کرنے کا حکم بھی دے دیا۔