لکی مروت میں پاک فوج کی کارروائی، 7 دہشت گرد مارے گئے

راولپنڈی : آئی ایس پی آر کا کہنا ہے کہ لکی مروت کے مختلف علاقوں میں دہشت گردوں نے3 حملے کیے،پاک فوج کی بھرپور جوابی کارروائی میں 7 دہشت گرد مارے گئے۔

آئی ایس پی آر کے مطابق لکی مروت کے مختلف علاقوں میں دہشت گردوں نے 3 حملے کیے ،ایک خود کش حملہ آور نے خود کو چیک پوسٹ کے قریب اڑا دیا۔

عامر کلام اور تاجبی خیل میں بھی دہشتگردی کے واقعات پیش آئے ، پاک فوج کی بھرپور جوابی کارروائی میں 7 دہشت گرد مارے گئے۔پاک فوج کے 3 جوانوں نے جام شہادت نوش کیا۔

آئی ایس پی آر کے مطابق شہید ہونےوالوں میں نائب صوبیدارتاج میر،حوالدارذاکراحمد،سپاہی عابدحسین شامل ہیں جبکہ علاقے میں کلیئرنس آپریشن جاری ہے۔