بھارت،عید کی نماز ادا کرنے پر 1700 مسلمانوں کیخلاف مقدمہ درج

نئی دہلی ( اُمت نیوز) بھارت میں عید کی نماز ادا کرنے پر 1700 مسلمانوں کے خلاف مقدمہ درج کرلیا گیا۔
بھارتی میڈیا کے مطابق ریاست اترپردیش میں عید کے موقع پر مسلمانوں نے 3 عید گاہوں کے باہر سڑک پر نماز ادا کی تھی، ہندو انتہا پسند انتظامیہ نے نماز عید کی ادائیگی پر جا جماؤ، بابو پورہ اور بجریا کے علاقوں میں مسلمانوں کیخلاف مقدمات درج کرلیے۔
اترپردیش کے مسلمان دشمن وزیر اعلیٰ آدتیہ ناتھ نے 2019 میں مسلمانوں کو وائرس قرار دیاتھا، اترپردیش کی ہندو انتہا پسند حکومت مسلمانوں کے ناموں پر رکھے گئے کئی شہروں کے نام تبدیل کرچکی ہے۔
جن شہروں کے نام بدلے گئے ان میں مصطفی آباد کا نام رام پور، الہ آباد کو پریاگراج ، فیض آباد کوایودھیہ اور فیروز آباد کو چندر نگر میں تبدیل کر دیا گیا ہے، بھارت کے مختلف شہروں میں کھلی جگہوں پر نماز ادا کرنے پر پابندی لگائی جا چکی ہے۔
آل انڈیا مسلم پرسنل لا بورڈ کے عہدیداروں نے مقدمات درج کرنے پر ناراضگی کا اظہار کرتے ہوئے اسے مسلمانوں کو نشانہ بنانا قرار دیا ہے۔
سابق مسلمان رکن اسمبلی عتیق احمد اور ان کے بھائی کو ممبئی میں 15 اپریل کو پولیس کی حراست میں ہندو حملہ آوروں نے قتل کردیا تھا جبکہ اس واقعہ سے چند روز قبل عتیق احمد کے 19 سالہ بیٹے کا پولیس نے ماورائے عدالت قتل کر دیا تھا

Police has filed case against 1700 Muslims for praying on the road during Eid in UP, India. Praying on the road by minority is a crime but not when the majority blocks the road taking out hate rallies every other day. pic.twitter.com/oiLZnEm8pq

— Ashok Swain (@ashoswai) April 28, 2023