کراچی : محمود آباد میں ناکام عاشق پھندے سے جھول گیا

کراچی (اسٹاف رپورٹر) محمودآباد میں نوجوان نے گھر کے اندر پھندا لگا کر خودکشی کرلی ،ابتدائی وجوہات محبت میں ناکامی بتائی گئی ۔تفصیلات کے مطابق محمودآباد کے علاقے اختر کالونی سیکٹر ای میں قائم ایک گھر کے اندر نوجوان نے پھندا لگاکر اپنی جان لے لی۔ اس کی لاش ایمبولنس میں جناح اسپتال منتقل کردی گئی ہے۔

اس حوالے سے ایس ایچ او اعجاز پٹھان نے بتایا کہ متوفی کی شناخت 21سالہ موسیٰ کے نام سے ہوئی، جس نے گھر کے اندر دوپٹہ کی مددسے پھندا لگاکر خودکشی کرلی ہے۔ ابتدائی معلومات کے مطابق اہلخانہ کا کہنا تھا کہ متوفی کم عمر ی میں ہی لڑکیوں کو چکر میں پڑ گیا تھا، کافی سمجھانے کی کوشش کی اور گھر سے باہر جانا بند کردیا تھا، شبہ ہے کہ دلبرداشتہ ہوکر خودکشی کی ہے ۔

تاہم پولیس نے ضابطے کی کارروائی کے بعد لاش اہلخانہ کے حوالے کردی او واقعے کی مزید جانچ شروع کردی۔