قتل کی دھمکیوں سے ڈرلگتا ہے ،سلمان خان کا اعتراف

ممبئی (انٹرنیشنل ڈیسک)بالی وڈ کے مشہور اداکار سلمان خان نے نے اعتراف کیا ہے کہ قتل کی مسلسل دھمکیوں نے ان کی زندگی اجیرن کردی ہے۔جس پر انہیں اب ڈر بھی لگنے لگا ہے

سلمان خان کو لارنس بشنوئی گینگ کی طرف سے قتل کی متعدد دھمکیاں ملی ہیں اور ممبئی پولیس نے اداکار کی حفاظت کیلئے انہیں سیکورٹی دی ہوئی ہے

حالیہ انٹرویو میں سلمان خان نے دھمکیوں پر بات چیت کرتے ہوئے بتایا کہ ان کو خود بھی دھمکیوں سے ڈر محسوس ہوتا ہے اور اب ان کیلئے یہ بات ناممکن ہوگئی ہے کہ وہ بائیک چلائیں یا ایک اکیلے سفر کریں۔

سلمان خان نے بتایا کہ جب میں ٹریفک میں ہوتا ہوں تو پھر مجھے میری سیکورٹی سے مسئلہ ہوتا ہے، سیکورٹی کی گاڑیاں دوسری گاڑیوں کیلئے مسئلہ بناتی ہیں اور لوگ عجیب طریقے سے مجھے گھورتے ہیں۔

اداکار نے بتایا کہ سیکورٹی کے حوالے سے مجھے جو بتایا جاتا ہے میں اس پر عمل کرتا ہوں اور میں اس میں بہت احتیاط کرتا ہوں، میں ہر جگہ مکمل سیکورٹی کے ساتھ جاتا ہوں۔

سلمان خان نے کہا کہ جو کچھ ہونا ہے وہ ضرور ہوگا چاہے میں کچھ بھی کرلوں ۔ مجھے اپنے رب پر بھروسہ ہے۔