ابوذرکو پی ٹی آئی ٹکٹ ثاقب نثارکی سفارش پر ملا،والد

لاہور(امت نیوز) پی ٹی آئی کے ٹکٹ ہولڈر ابوذر چدھڑ کے والد کا کہناہے کہ ان کے بیٹے کے  ٹکٹ کیلئے  کسی کو کوئی رقم نہیں دی، نجم ثاقب میرے بیٹے کا کلاس فیلو ہیں، ٹکٹ کیلئے ثاقب نثار نے سفارش کی تھی۔

پاکستان تحریک انصاف نے سابق چیف جسٹس ثاقب نثار کے بیٹے نجم ثاقب اور پنجاب اسمبلی کے حلقے پی پی 137 سے امیدوار ابوذر مقصود چدھڑ کی آڈیو سامنے آنے کے بعد چھان بین شروع کردی۔

میڈیارپورٹس کے مطابق ٹکٹ ہولڈر ابوذر پر2021 میں مقدمہ بھی درج ہوا۔ پولیس کا کہنا ہے کہ عدالت نے ابوذر اور ان کے دوست پر ہونے والے مقدمےکو خارج کردیا تھا۔

پی ٹی آئی امیدوار کے والد مقصود چدھڑ کا کہنا ہے کہ پولیس نے غلط پرچہ کرنے پر ایس ایچ او کو معطل کردیا تھا، عدالت نے مقدمہ جھوٹا قراردے کرخارج کردیا تھا۔

رپورٹس میں بتایا گیا ہے کہ ابوذر چدھڑ کوپی ٹی آئی میں شامل ہوئے چند ماہ ہوئے ہیں۔

ابوذرچدھڑ کی سابق چیف جسٹس کے بیٹے نجم ثاقب کی آڈیو ٹیپ گزشتہ روز سامنے آئی تھی