سوات میں سیاحوں کی گاڑی کو حادثہ-بچی جاں بحق

سوات(بیورورپورٹ)سوات کی وادی گبین جبہ میں سیاحوں کی گاڑی ڈائنا کی ٹکر سے الٹ گئی جس کے نتیجے میں13 سالہ بچی جاں بحق جبکہ 12 افراد زخمی ہوگئے۔ پولیس کے مطابق گبین جبہ سے واپسی پر سرخونہ لالکو میں بجری سے بھری ڈائنا گاڑی نے سیاحوں کی گاڑی کو ٹکر ماردی جس کے نتیجے میں تیرہ سالہ بچی آمنہ دختر محمد رحمان ساکن جلالہ تھانہ جاں بحق ہوگئی جبکہ دیگر بارہ افراد زخمی ہوئے ہیں ۔ جنہیں فوری طبی امداد کے لئے سول اسپتال مٹہ منتقل کردیا ہے ۔