لاہور: ٹریفک حادثات میں باپ اور 5 سالہ بیٹی سمیت 3 ہلاک

لاہور(امت نیوز) جی ٹی روڈ اور کالا خطائی روڈ پر ٹریفک حادثات میں کسن بچی سمیت پانچ افراد ہلاک اور چار زخمی ہو گئے۔ بتایا گیا ہے کہ کالا خطائی روڈ کوٹ ہدایت کے قریب تیز رفتار ٹریکٹر ٹرالی بے قابو ہو کر موٹر سائیکل سواروں سے ٹکرا گئی۔ جس کے نتیجہ میں موٹر سائیکل سوار 18 سالہ نوجوان زوہیب احمد ہلاک اسکے دو دوست آصف اور وقاص شدید زخمی ہو گئے۔

جن کو طبی امداد کے لئے ہسپتال داخل کرا دیا۔ ڈالہ واہگہ کے قریب سڑکیں بنانے والا رولر موٹر سائیکل سوار باپ بیٹی سے ٹکرا گیا جس کے نتیجہ میں ریاض احمد زخمی اسکی نو عمر بیٹی فاطمہ بی بی ہلاک ہو گئی۔ لاہور روڈ پر ٹریکٹر ٹرالی بے قابو ہو کر موٹرسائیکل سواروں سے ٹکرا گئی جس کے نتیجہ میں موٹر سائیکل سوار دو افراد یونس اور نصیر احمد ہلاک ہو گئے ۔شرقپور روڈ پر ٹریفک میں ایک لڑکی ہلاک ہو گئی۔

دریں اثناء ٹھوکر نیاز بیگ کے علاقے ملتان روڈ پر گزشتہ روز تیز رفتار ٹرک نے بے قابو ہوکر موٹر سائیکل سوار تین دوستوں قدیر اور علی وغیرہ کو ٹکر مار دی۔ جس کے باعث تینوں دوست شدید زخمی ہو گئے ہیں۔ جنہیں طبی امداد کے لئے ہسپتال منتقل کر دیا گیا ہے۔ جہاںقدیر کی حالت تشویشناک بتائی جاتی ہے۔