بہاولنگرمیں رکشہ نہر میں جاگرا،4افراد ڈوب گئے

بہاولنگر(امت نیوز)بہاولنگر میں  رکشہ بے قابو ہو کر نہر میں جاگرا جس کے باعث 9 افراد ڈوب گئے۔جن میں سے 5کو بچالیا گیا

ریسکیو ذرائع کے مطابق ہاکڑہ نہر میں گرنے والے رکشہ میں خواتین اور بچوں سمیت 9 افراد سوار تھے، فوری طور پر پانچ افراد کو بچا لیا گیا جبکہ چارافراد ڈوب گئے۔

تین افراد کی لاشیں نکال لی گئیں، ایک کی تلاش جاری ہے۔

ڈوبنے والوں میں 45 سالہ ارشاد بی بی، 50 سالہ شمیم، 3 سالہ یاسمین اور 14 ماہ کی آسیہ شامل ہیں۔

یاسمین ، ارشاد اور شمیم کی لاشیں نکال لی گئی ہیں جبکہ آسیہ کی تلاش جاری ہے۔

ریسکیو 1122 کی ٹیم سرچ آپریشن جاری رکھے ہوئے ہے۔