کراچی : مختلف علاقوں سے منشیات فروشوں سمیت 34 ملزم گرفتار

کراچی(اسٹاف رپورٹر) شہر کے مختلف علاقوں سے منشیات فروشوں سمیت 34 ملزم گرفتار۔تفصیلات کے مطابق ابراہیم حیدری پولیس نے منشیات فروش ریاض لارا عرف یحییٰ کو گرفتارکرکے 2 کلو150 گرام چرس برآمدکرلی۔پی آئی بی کالونی پولیس نے دومنشیات فروشوں جمیل عرف مرغی والا اور نواز علی عرف کارا کو گرفتارکرکے ڈیڑھ کلو سے زائد چرس برآمد کرلی۔پاکستان بازار پولیس نے دو منشیات فروشوں اسلم،عادل اور دو اسٹریٹ کریمنل کاشف اور عثمان کو گرفتارکرکے ایک کلو سے زائد چرس، ہیروئن، فروختگی کی رقم،اسلحہ، موبائل فون اورتھانہ عزیز بھٹی کی حدود سے چور ی شدہ موٹر سائیکل برآمدکرلی۔

سرجانی ٹاﺅن پولیس نے دومنشیات فروشوں آصف عرف گڈو اور عمران کو گرفتارکرکے ایک کلو 563 گرام چرس اور فروختگی کی رقم برآمدکرلی، گلشن معمار پولیس نے منشیات فروش محمد زبیر کو گرفتارکرکے آدھا کلو سے زائد چرس اورنقد رقم برآمدکرلی۔ شاہ لطیف ٹاؤن پولیس نے دو منشیا ت فروشوں نادر خان،منہاج اور گٹکا فروش حسنین سمیت شیر خان،علی اورزر ولی کو گرفتارکرکے2 کلو 185 گرام چرس،138 کلو چھالیہ، 6 کلو گٹکا ماوااور تین پستول برآمد کرلیے۔

ائیر پورٹ پولیس نے ایک ملزم وحیدعلی کو گرفتارکرکے چھینی گئی سوزوکی پک اپ اور اسلحہ برآمد کرلیا۔شاہراہ فیصل پولیس نے ملزم مبارک علی کو گرفتارکرکے اسلحہ اور چھیننے ہوئے دو موبائل فونز برآمد کرلیے۔ سرسید پولیس پولیس نے شہری سے لوٹ کر فرار ہونے والے ایک ملزم عمران کو گرفتارکرکے اسلحہ، 5موبائل فونز برآمد کر لیے،پیرآباد پولیس نے قتل اور اقدام قتل سمیت گٹکا ماوا فروشی میں اشتہاری و مفرور دوملزمان شیر خان عرف شیرولی اور زبیرکو گرفتار کرلیا۔عزیزآباد پولیس نے کارروائیوں کے دوران 11 مفروراور 2 اشتہاری ملزمان کو گرفتار کرلیا،جن میں عارف عرگ اوڑھ، محمد منظر، جہانگیر، نسیم،جاوید شیخانی، عبدالغفار، احمد نعیم، ریحان عرف آکاش، جان شریف،عرفان علی عرف ڈوگر، ماجد خان، طارق حسین عرف نعمان، افضل اور جہانزیب شامل ہیں۔