کوہاٹ میں دہشت گردی کا بڑا منصوبہ ناکام

پشاور(امت نیوز) خیبرپختون کے ضلع کوہاٹ میں دہشتگردی کا بڑا منصوبہ ناکام بنادیا گیا، پولیس نے بروقت کارروائی کرتے ہوئے اسلحے کا ذخیرہ برآمد کرلیا۔

پولیس نے تخریب کاری کا منصوبہ ناکام بناتے ہوئے مرئی چیک پوسٹ کے قریب کارروائی کرتے ہوئے 5 ملزمان کو گرفتار کرلیا

پولیس کی کارروائی کے دوران بڑی تعداد میں گولہ بارود اور اسلحہ برآمد کیا گیا۔ ایس پی آپریشنز کے مطابق گرفتار کیے گئے ملزمان میں لیوی کے 4 اہلکار بھی شامل ہیں۔