جیکب آباد،3 معصوم بچے تالاب میں ڈوب کر جاں بحق

جیکب آباد : (دنیا نیوز) آئی بی اے کالج کے قریب تالاب میں گر کر 3 معصوم بچے جاںبحق ہوگئے ہیں
لواحقین کے مطابق بچے گھر سے کھیلنے کے لیے نکلے تھے کافی دیر گزرنے کے بعد واپس گھر نہ لوٹنے پر بچوں کی تلاش شروع کردی گئی جو بعد میں پانی کے تالاب سے ملے۔
لواحقین نے بچوں کو بیہوشی کی حالت میں تالاب سے نکال کر ہسپتال منتقل کیا جہاں ڈاکٹرز نے بچوں کی موت کی تصدیق کردی۔
جاں بحق ہونیوالے بچوں میں دو سگے بھائی نصیر ، قدیر اور ایک چچا زاد بھائی ظہیر شامل ہیں۔