نابینا قاری کو لوٹنے والا چورشرمندہ،رائیڈر سے موبائل واپس بھجوا دیا

کراچی(امت نیوز) گلستان جوہر  میں نابینا قاری کو دھوکے سے لوٹنے والے چور نے  سوشل میڈیا پر ویڈیو وائرل ہونے کے بعد شرمندہ ہو کر بائیک رائیڈر کے ذریعے موبائل فون واپس بھجوادیا۔

کراچی کے علاقے گلستان جوہر میں بصارت سے محروم قاری امجد کا موبائل دھوکے سے چوری کرنے کا واقعہ پیش آیا۔ اس واقعے پر شہریوں نے اس چروکو آڑے ہاتھو لیا اور افسوسناک واقعہ قرار دیا ۔سوشل میڈیا پر ویڈیو وائرل ہونے کے  بعد چور نے بائیک رائیڈر کے ذریعے موبائل فون واپس قاری امجد کو بھجوادیا۔

نابینا قاری کو موبائل واپس پہنچانے والے بائیک رائیڈر کا کہنا ہے کہ گلشن اقبال سے رات گئے حسن لیاقت نامی ایک شخص نے رائیڈ بک کرائی اور موبائل فون قاری امجد کو دینے کا کہا۔