لاہور اور گرد و نواح میں گرج چمک کے ساتھ تیز بارش

لاہور(اُمت نیوز) لاہور اور گرد و نواح میں گرج چمک کے ساتھ تیز بارش ہوئی ہے۔لاہور کے علاقوں ماڈل ٹاؤن، علامہ اقبال ٹاؤن ، ٹاؤن شپ کے علاوہ گڑھی شاہو، گلشن راوی، اسلام پورہ اور ائیر پورٹ کےعلاقوں میں بھی تیز بارش ہوئی ہے۔
دوسری حافظ آباد شہر اور گردنواح میں بارش اور ژالہ باری ہوئی جس کے باعث نشیبی علاقوں میں پانی جمع ہو گیا جبکہ مریدکے اور خوشاب میں بھی بارش ہوئی۔
محکمہ موسمیات نے آج اسلام آباد، خطۂ پوٹھوہار، بالائی خیبر پختو نخوا، کشمیر اور گلگت بلتستان میں بارش اور چند مقامات پر ژالہ باری کا امکان ظاہر کردیا ہے۔