میئر، چیئرمین اور وائس چیئرمین کا انتخاب،پی پی نے درخواستیں طلب کرلیں

سندھ (اُمت نیوز) صدر پیپلز پارٹی سندھ نثار کھوڑو نے میئر، ڈپٹی میئر، ٹی ایم سیز اور ٹاؤن کمیٹیز کے چیئرمین و وائس چیئرمین کے انتخاب کیلئے خواہشمند امیدواروں سے درخواستیں طلب کرلیں ہیں۔
پیپلز پارٹی کےجاری اعلامیہ کےمطابق امیدوار 12 مئی تک درخواست جمع کروا سکتے ہیں۔
میئر میٹرو پولیٹن کارپوریشن اور چیئرمین ڈسٹرکٹ کونسلز کے 60 ہزار روپے کا پے آرڈر درخواست کے ساتھ جمع کرایا جائے۔
اعلامیہ میں کہا گیا ہے کہ میونسپل کارپوریشن کے میئر اور چیئرمین ٹی ایم سی کے لیے پچاس ہزار روپے کا پے آرڈر دینا ہوگا۔
اعلامیہ کے مطابق چیئرمین میونسپل کمیٹیز اور ٹاؤنز کمیٹی کے لیے درخواست کے ساتھ 40 ہزار روپے کا پے آرڈر مقرر کیا گیا ہے۔