سینئر اداکار شبیر رانا طویل علالت کے بعد کراچی میں انتقال کر گئے

کراچی (اُمت نیوز) سینئر اداکار شبیر رانا طویل علالت کے بعد کراچی میں انتقال کر گئے، مرحوم دل کے عارضے میں مبتلا تھے۔
اہلخانہ کے مطابق شبیر رانا بیماری کے باعث گزشتہ کئی روز سے قومی ادارہ برائے امراض قلب میں زیر علاج تھے جہاں وہ آج صبح انتقال کرگئے۔
سینئر اداکار شبیر رانا عارضہ قلب میں مبتلا تھے، انہیں عید الفطر کی تعطیلات کے دوران دل کادورہ پڑا تھا، جس کے باعث انہی فوری طور پر اسپتال لایا گیا تھا، جہاں ان کو طبی امداد دی گئی۔
مرحوم شبیر رانا نے 4 دہائیوں سے زائد عرصہ ٹیلی ویژن ڈراموں میں کام کیا۔