کراچی: گٹرمیں گرنےوالابچہ 24گھنٹے بعد بھی نہیں ملا

کراچی(امت نیوز) کراچی کے علاقے گلشن اقبال  میں کھلے مین ہول میں گر کرلاپتہ ہونے والا 6 سالہ بچہ 24 گھنٹے گزرجانے کے باوجود نہیں مل سکا۔

ریسکیو ٹیمیں اتوار کی صبح موقع پر پہنچ گئیں لیکن جدید آلات اورہیوی مشینری نہ ہونے کے وجہ سے سیوریج نالے کی کھدائی کا کام نہیں سکا جس کی وجہ سے بچے کی تلاش کے لیے ریسکیو آپریشن تعطل کا شکار ہے۔

ریسکیوعملے کے مطابق رات گئے ایکسویٹرکی مدد سے سیوریج لائن کے نالے کی کھدائی کی گئی اور اس علاقے کو مکمل سرچ کرلیا گیا ہے لیکن بچے کا پتہ نہ چل سکا

بچے کے والد کا کہنا ہے کہ 6 سالہ ابھیان تین بھائیوں میں دوسرے نمبر پر تھا اورپہلی جماعت کا طالب علم تھا، ہفتے کو ہی اس کا رزلٹ آیا تھا اورابھیان نے 94 فیصد نمبرحاصل کیے تھے