علی پورکی مغوی خاتون ڈاکوؤں کے چنگل سے فرار میں کامیاب

راجن پور(امت نیوز)پندرہ سال قبل کراچی سے اغوا ہونے والی علی پور کی رہائشی دو بہنوں میں سے بڑی بہن یاسمین بی بی بنگیانی گینگ کے چنگل سے فرار ہونے میں کامیاب ہوگئی، ڈاکو ڈاڈو بنگیانی عرف مچھ کٹا نے خاتون یاسمین سے زبردستی شادی کر رکھی تھی،یاسمین بی بی نے پولیس کو بتایا کہ موقع ملتے ہی میں وہاں سے جان بچانے میں کامیاب ہوئی ، غربت کی وجہ سے کام کے سلسلے میں بھائی کراچی میں چھوڑ گیا تھا اور وہاں سے ڈاکو ڈاڈو بنگیانی نوکری کا لالچ دے کر دونوں بہنوں کو کچے میں لے آیا تھا اور زبردستی شادی کرلی تھی،یاسمین بی بی نے اپنی بہن اور

بچوں کو ڈاکووں سے بازیاب کرانے کی اپیل کی ہے،دوسری جانب ڈی پی او راجن پور مہارناصر سیال کے مطابق کچےمیں ڈاڈو بنگیانی اور گورا عمرانی گینگ کے خلاف پولیس کا گرینڈ آپریشن جاری ہے اور ڈاکوؤں کے گردگھیرا تنگ کر دیا گیا ہے۔