شدید گرمی، طویل لوڈ شیڈنگ سے اہل کراچی بلبلا اٹھے

کراچی: محکمہ موسمیات کی شدید گرمی پیشگوئی کے بعد بجلی کی طویل لوڈ شیڈنگ  سے اہل کراچی بلبلا اٹھے۔

محکمہ موسمیات نے کراچی میں آج سے گرمی کی شدت میں اضافے کی پیش گوئی  کی  ہے جبکہ کراچی شہر کے مختلف علاقوں میں بجلی کی طویل لوڈشیڈنگ شروع ہو گئی ہے۔

کراچی کے علاقے باغِ کورنگی میں رات 9 بجے سے بجلی بند ہے، کورنگی کی گلشنِ ملت سوسائٹی میں رات 10 بجے سے بجلی غائب ہے۔

نارتھ کراچی، ناگن چورنگی، گلشنِ اقبال اور گلستانِ جوہر کے علاقوں میں بھی طویل لوڈ شیڈنگ جاری ہے۔گرمی کے موسم میں بجلی کی بندش سے شہریوں کا جینا محال ہو گیا ہے۔