پی ٹی آئی رہنما علی محمد خان کو بھی دھرلیا گیا

تحریک انصاف کے ایک اور رہنما علی محمد خان کو بھی پولیس نے گرفتار کر لیا۔

پولیس حکام کے مطابق سابق وزیر مملکت علی محمد خان کو تھری ایم پی او کے تحت گرفتار کیا گیا، علی محمد خان کو بنی گالہ سے سپریم کورٹ کی طرف جاتے ہوئے سرینا چوک کے قریب سے حراست میں لیا گیا۔

اس سے قبل تحریک انصاف کے مرکزی رہنماؤں شاہ محمود قریشی، اسد عمر، فواد چوہدری، اعجاز چوہدری ،سابق گورنر پنجاب عمر سرفراز چیمہ سمیت دیگر کو بھی حراست میں لیا گیا ہے۔