خواجہ آصف نے ملک میں ایمرجنسی کا امکان ظاہر کردیا

اسلام آباد(امت نیوز) وزیر دفاع خواجہ آصف کا کہنا ہےکہ حالات کا تقاضہ ہوا تو ایمرجنسی بھی لگ سکتی ہے۔
اسلام آباد میں پریس کانفرنس کرتے ہوئے خواجہ آصف کا کہنا تھا کہ عدالتیں آرڈر کرتی ہیں خواہشوں کا اظہار نہیں کرتیں، میں تو آرڈر کا منتظر تھا، عدالت نے خواہش کا اظہار کردیا۔
انہوں نے کہا کہ موجودہ صورت حال سے نکلنے کا حل ایک ہی دن الیکشن ہے،
خواجہ آصف کا کہنا تھا کہ شہباز شریف آشیانہ کیس میں گئے پکڑلیا صاف پانی کیس میں، مجھے جیل میں زمین پر لٹایا گیا میں نے کوئی شکایت نہیں کی، ان سے گیسٹ ہاؤس میں بھی سہولتوں کا پوچھا جا رہا ہے، حسن سلوک صرف عمران خان کے ساتھ کیوں؟ دو معیار کیوں ہیں؟