زمان پارک میں سادہ لباس پولیس اہلکار تعینات

لاہور(امت نیوز)چیئرمین پی ٹی آئی عمران خان کے واپس زمان پارک پہنچتے ہی پولیس کی سیکیورٹی بھی پہنچ گئی۔اسلا آباد ہائیکورٹ سے ضمانت ملنے کے بعد چیئرمین پی ٹی آئی عمران خان زمان پارک پہنچے تو اس کے ساتھ ہی زمان پارک میں سادہ لباس پولیس اہلکار تعینات کردیئے گئے ہیں۔

زمان پارک میں سابق وزیر اعظم عمران خان کی سیکیورٹی پر 106 پولیس اہلکار تعینات ہونگے، پولیس اہلکار 3 شفٹوں میں زمان پارک میں سیکیورٹی کے فرائض انجام دیں گے۔زمان پارک میں پہلی شفٹ میں 35 اہلکار، دوسری میں 35، تیسری شفٹ میں 36 اہلکار تعینات ہونگے۔سیکیورٹی اہلکار کا کہنا ہے کہ پی ٹی آئی کارکنان کے غم و غصےکی وجہ سے سول کپڑے پہنے ہیں،واضح رہے کہ عمران خان کی گرفتاری کے بعد سیکیورٹی اہلکار زمان پارک سے چلے گئے تھے۔