بالان میں ریلوے ٹریک کے قریب دھماکہ

کوئٹہ(اُمت نیوز) بلوچستان کے علاقے بالان میں ریلوے ٹریک کے قریب دھماکا ہوا ہے۔
میڈیا نیوزکے مطابق دھاڈر بولان کے علاقے مشکات کے قریب ریلوے ٹریک پر ٹائم ڈیوائس کا دھماکا ہوا جس کے نتیجے میں ریلوے کا ملازم زخمی ہوگیا۔
دھماکے کے بعد پولیس، ایف سی اور سیکیورٹی فورسز کے اہلکار اور امدادی ٹیم کے رضاکار جائے وقوعہ پر پہنچے جہاں سے زخمی شخص کو طبی امداد کے لیے قریبی اسپتال منتقل کیا۔ خوش قسمتی سے دھماکے میں زخمی ہونے والے شخص کی حالت خطرے سے باہر ہے۔
سیکیورٹی فورسز نے جائے وقوعہ سے شواہد اکھٹے کیے اور ملزمان کی جلد گرفتاری کا عندیہ دیا ہے۔