کراچی:پتنگ کی ڈور پھرنے سے موٹرسائیکل سوار نوجوان جاں بحق

کراچی (اسٹاف رپورٹر)کراچی کے علاقے حیدری میں گردن پر پتنگ کی ڈور پھرنے سے موٹرسائیکل سوار نوجوان جاں بحق ہوگیا

پولیس کے مطابق متوفی دانش اور اس کے دو دوست الگ الگ موٹرسائیکلوں پر جارہے تھے کہ دانش گلے پر پتنگ کی ڈور پھرنے سے زخمی ہوکر سڑک پر گرگیا ۔ اسے فوری طور پر اسپتال لے جایا گیا جہاں اس نے دم توڑ دیا

پولیس کے مطابق متوفی دانش پانچ بچوں کا باپ اور موٹرسائیکل میکینک تھااور اپنے دوستوں کے ساتھ حیدری میں لگنے والی موٹرسائیکل مارکیٹ جارہا تھا

پولیس نے بتایا کہ دانش ہر اتوار کے روز موٹرسائیکلوں کی خریدوفروخت کےسلسلے میں حیدری مارکیٹ جاتاتھا