راولپنڈی میں دفعہ 144نافذ،ڈبل سواری اور لاؤڈ اسپیکر پرپابندی

راولپنڈی(امت نیوز)راولپنڈی میں دہشت گردی کے خدشے کے پیش نظر 7 روز کےلیے دفعہ 144 نافذ کر دی گئی جبکہ ڈبل سواری پر بھی پابندی ہوگی۔
ضلعی انتظامیہ نے 15 سے 21 مئی تک دفعہ 144 کے نفاذ کا نوٹیفکیشن جاری کر دیا۔
نوٹیفکیشن کے مطابق انٹیلیجنس رپورٹس کے مطابق راولپنڈی کی حدود میں دہشتگردی کا خدشہ ہے۔دفعہ 144 کے تحت راولپنڈی میں ہر قسم کے سیاسی و مذہبی اجتماع پر پابندی ہوگی۔
نوٹیفکیشن کے مطابق شہر میں موٹرسائیکل کی ڈبل سواری پر بھی پابندی عائد کر دی گئی ہے۔خواتین، بچوں اور آرمی اہلکاروں کو ڈبل سواری کی پابندی سے استثنیٰ حاصل ہوگا۔
راولپنڈی میں اذان کے علاوہ لاؤڈ اسپیکر کے استعمال پر پابندی ہوگی