سوات و گردونواح میں زلزلے کے جھٹکے

اسلام آباد: سوات اورگردونواح میں زلزلے کے جھٹکے محسوس کیے گئے ہیں۔

نجی ٹی وی کے مطابق زلزلہ پیما مرکز کے مطابق ریکٹراسکیل پرزلزلے کی شدت4.5 ریکارڈکی گئی جبکہ زلزلے کی زیرزمین گہرائی91 کلومیٹرتھی ، زلزلہ پیما مرکز کے مطابق زلزلے کا مرکز پاک افغانستان تاجکستان کا سرحدی علاقہ تھا۔

زلزلے کے جھٹکے محسوس ہونے پر لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے، زلزلے سے تاحال کسی جانی یا مالی نقصان کی اطلاع نہیں ملی۔