کراچی ایئرپورٹ پرشارٹ سرکٹ سے آگ لگ گئی

کراچی (امت نیوز)کراچی ایئرپورٹ کے جناح ٹرمینل پر دفتری بلاک میں آگ لگنے سےوہاں واقع  دفاتر اورکوریڈورمیں دھواں بھرگیا۔

میڈیارپورٹس  کے مطابق دھواں بھر جانے کے سبب فوری طورپرموجود اسٹاف کو وہاں سے نکال لیا گیا۔

آتشزدگی کا واقعہ بین الاقوامی روانگی لاؤنج کے خلیجی ائیرلائن کے دفتری بلاک میں پیش آیا

ترجمان سول ایوی ایشن سیف اللہ خان کے مطابق فائرالارم بجنے پرآگ کی نشان دہی ہوگئی تھی،جس پرشعبہ فائر کے عملے نے فوری ردعمل دیا اورآگ پربروقت قابو پالیاگیا،ان کا کہنا ہے کہ آتشزدگی سے ائیرپورٹ پرکسی قسم کا نقصان نہیں ہوا۔

ابتدائی طورپرواقعے کی تحقیقات میں پتہ چلا کہ آگ سیلنگ کے اندرموجود بجلی کے تاروں میں لگی۔

ان کا مزید کہنا ہے کہ جناح ٹرمینل پرآگ کی نشاندہی کرنے والے تمام آلات مکمل طورپرفعال ہیں،جن کی مکمل جانچ پڑتال کی جاتی ہے۔