ملک میں قانون کی حکمرانی کا تصور ختم ہوچکا، سراج الحق

لاہور(اُمت نیوز)امیر جماعت اسلامی سراج الحق نے کہا ہے کہ موجودہ اور ماضی کی حکمران سیاسی جماعتیں معیشت بہتر نہیں کرسکیں، پی ڈی ایم، پی پی اور پی ٹی آئی نے پاکستان کا پوری دنیا میں تماشا بنادیا۔
لاہور سے جاری اپنے بیان میں امیر جماعت اسلامی نے کہا کہ ملک میں کوئی ایک شعبہ نہیں جس میں حکمران جماعتیں بہتری لائیں ہوں۔
ان کا کہنا تھا کہ ملک میں قانون کی حکمرانی کا تصور ختم ہوچکا، عدل و انصاف کی حکمرانی کے لیے عوام ووٹ کی طاقت استعمال کریں۔
سراج الحق نے مزید کہا کہ جلاؤ گھیراؤ، اداروں کو یرغمال بنانے کی سیاست عوام کے لیے خطرناک ہے، جس کی لاٹھی اس کی بھینس کا قانون ملک کے لیے تباہ کن ہے۔