نجم سیٹھی پھر رمیز راجہ کے نشانے پر

لاہور(امت نیوز) سابق چیئرمین پاکستان کرکٹ بورڈ رمیز راجہ نے ایشیا کپ کے معاملے پر نجم سیٹھی پر شدید تنقید کر ڈالی۔ سابق چیئرمین پی سی بی رمیز راجہ نے اپنے ایک بیان میں کہا کہ ایشیا کپ کا مقصد برصغیر کی کنڈیشنز سے ورلڈکپ سے قبل ہم آہنگ ہونا ہے اور نجم سیٹھی نے ایشیا کپ کا فائنل لارڈز میں کرانے کا کہا ہے جس کا کوئی جواز نہیں بنتا۔

انہوں نے کہا کہ مشکلات کے باوجود پاکستان میں بڑی ٹیموں کے دورے کرائے گئے لیکن اب نجم سیٹھی کہتے ہیں ٹیکس کے باعث پاکستان سپر لیگ (پی ایس ایل) کو عرب امارات لے کر جانا چاہیے۔