بنوں میں سیکیورٹی فورسز کا آپریشن،2دہشت گردہلاک

بنوں(امت نیوز)بنوں میں سیکیورٹی فورسز نے خفیہ اطلاع پر آپریشن کرتے ہوئے 2 دہشت گردوں کو ہلاک کر دیا۔

آئی ایس پی آر کے مطابق سیکیورٹی فورسز نے آپریشن بنوں کے علاقے جانی خیل میں کیا۔

آپریشن دہشت گردوں کی موجودگی کی خفیہ اطلاع پر کیا گیا، ہلاک دہشتگردوں سے اسلحہ، گولہ بارود بھی برآمد کرلیا گیا

آئی ایس پی آر کا کہنا ہے کہ آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا۔

ہلاک دہشت گرد سیکیورٹی فورسز، معصوم شہریوں کے خلاف دہشت گردی کی کارروائیوں میں ملوث تھے۔

آئی ایس پی آر کے مطابق علاقے کے مقامی افراد نے سیکیورٹی فورسز کے آپریشن کو سراہا۔اور دہشت گردی کی لعنت ختم کرنے میں مکمل تعاون کا یقین دلایا