میانوالی میں طوفانی بارش،دیوارگرنے سے4بچے جاں بحق

میانوالی(امت نیوز)میانوالی میں طوفانی ہواؤں اور تیز بارش کے باعث دیوار گرنے سے 4بچے جاں بحق اور3 زخمی ہوگئے

میانوالی کے نواحی علاقے نمل چکڑالہ میں طوفان کے باعث گھر کی دیوار گرگئی ملبے تلے دب کر چار بچے جاں بحق اورتین زخمی ہوگئے۔

ریسکیو ذرائع کے مطابق بچے گلی میں جارہے تھے کہ جب حادثہ پیش آیا،لاشوں اور زخمیوں کو اسپتال منتقل کردیا گیا۔

پشاورشہرمیں تیزآندھی وطوفان سے پینافلیکس اوراشتہاری بورڈز اکھڑ گئے۔سرگودھا ، ملتان ،ڈیرہ اسماعیل خان اورعیسیٰ کیل میں گرج چمک کے ساتھ  بارش سے گرمی کا زور ٹوٹ گیا،اورموسم خوشگوارہوگیا۔

محکمہ موسمیات کے مطابق بارشوں کا سلسلہ آئندہ چوبیس گھنٹوں تک جاری رہنے کا امکان ہے