کراچی:حلقہ این اے239کورنگی پر ضمنی انتخاب 28 مئی کوہوگا

کراچی (اسٹاف رپورٹر) کراچی کے حلقے این اے 239 پر نظر ثانی شدہ شیڈول کے مطابق 28مئی بروز اتوار کو ضمنی انتخاب ہوا

الیکشن کمیشن آف پاکستان کے جاری کردہ اعلامیہ کے مطابق ریٹرننگ آفیسر کی طرف سے اُمیدواروں کی حتمی فہرست جاری کردی گئی ہے۔

اس حلقہ میں 2اُمیدواران انتخاب میں حصہ لے رہے ہیں۔ جن میں پاکستان تحریک انصاف کے محمد اکرم اور تحریک لبیک پاکستان کے محمد یاسین شامل ہیں۔

حلقہ میں رجسٹرڈ ووٹرز کی کُل تعداد 5لاکھ 83ہزار 462ہے۔ جن میں مرد 3لاکھ 10ہزار 428 ووٹرز اور خواتین 2لاکھ 73ہزار 34ووٹرز اپنا حق رائے دہی استعمال کرسکیں گے۔

حلقہ میں قائم تمام 269 پولنگ اسٹیشنز انتہائی حساس قرار دیئے گئے ہیں۔ جبکہ حلقہ میں 269 پولنگ اسٹیشز میں 538مردانہ اور 538 زنانہ پولنگ بوتھ قائم کئے گئے ہیں۔