جنرل عاصم نے اہلیہ کی کرپشن کے کوئی ثبوت نہیں دکھائے،عمران

لاہور(امت نیوز)چیئرمین پی ٹی آئی عمران خان  نے کہا ہے  کہ نہ تو جنرل عاصم منیر نے مجھے میری اہلیہ کی کرپشن کے کوئی شواہد دکھائے نہ ہی میں نے انہیں  اس بنیاد پر مستعفیٰ ہونے پر مجبور کیا۔

سابق وزیراعظم  نے ٹوئٹ  میں برطانوی اخبار ٹیلی گراف میں شائع مضمون کا حوالہ دیتے ہوئے اس میں کیے گئے اس دعوے کی تردید کی  کہ اس وقت کے ڈی جی آئی ایس آئی جنرل عاصم نے انہیں ان کی اہلیہ بشری بی بی  کے کرپشن کے ثبوت  دکھائے جس کے بعد انہیں ڈی جی آئی ایس آئی کے عہدے سے ہٹا دیا گیا۔

اس مضمون میں دعویٰ کیا گیا ہے کہ میں نے جنرل عاصم کو بطور ڈی جی آئی ایس آئی استعفیٰ پر مجبور کیا کیونکہ انہوں نے مجھے میری اہلیہ بشریٰ بیگم کی کرپشن کے شواہد (کیسز) دکھائے۔

یہ دعویٰ بالکل غلط ہے۔ جنرل عاصم نے مجھے میری اہلیہ کی کرپشن کے کوئی شواہد دکھائے نہ ہی میں نے انہیں اس…

— Imran Khan (@ImranKhanPTI) May 21, 2023

واضح رہے کہ ٹیلی گراف میں 21 مئی کو بین فارمر کا مضمون شائع ہوا ہے جس میں دعویٰ کیا گیا ہے کہ جنرل عاصم منیر نے عمران خان کو ان کی اہلیہ کی کرپشن کے ثبوت دکھائے تھے۔

مضمون کے مطابق جنرل عاصم منیراس وقت کے وزیراعظم عمران خان  کی اہلیہ بشری بی بی اور ان کے قریبی لوگوں پر کرپشن کے الزامات کی تحقیقات کرنا چاہتے تھے، جس کے بعد انہیں  جون 2019 میں ڈی جی آئی ایس آئی کے عہدے سے  آٹھ ماہ بعد ہی ہٹا دیا گیا