کراچی : سرجانی میں آشنا کی مدد سے بیوی نے شوہر مارڈالا

کراچی(اسٹاف رپورٹر)سرجانی ٹاؤن روزی گوٹھ میں اہلیہ نےآشنا کی مددسے شوہر کو بیہوش کرکے گلا گھونٹ کر قتل دیا ، پولیس نے چند گھنٹوں کی تفتیش کے دوران مقتول کی اہلیہ اور آشنا کو گرفتارکرلیا ۔

تفصیلات کے مطابق سرجانی ٹاون کے علاقے روزی گوٹھ میں اتوار کی صبح گھر سے تشدد زدہ لاش ملنے کی اطلاع پر موقع پر پہنچ کر موقع معائنے کے بعد لاش کو عباسی شہید اسپتال منتقل کیا ،جہاں مقتول کی شناخت 36 سالہ سہیل ولد نصیر احمد کے نام سے ہوئی ، ایس ایچ او گنہور خان نے بتایا کہ مقتولہ کے اہلیہ کے ابتدائی بیان سے پولیس کو شبہ ہوگیا تھا کہ اہلیہ پولیس کو گمراہ کررہی ہے تاہم ابتدائی میڈیکل رپورٹ میں معلوم ہوا کہ سہیل کو نشہ آوور ادویات کھلا کر بیہوش کیا اس کےبعد گلا گھونٹ کر قتل کردیا۔

پولیس نے جب مقتول کی اہلیہ ملزمہ مہ جبین پر سختی کی تو اس نے قتل کا اعتراف کرتے ہوئے کہ میرا اپنے مالک مکان سے چکر چل رہا تھا ہم نے دونوں نے مل کر سہیل کو قتل کرنے کا منصوبہ بنایا ، کھانے میں نشہ آور گولیاں کھلاکر بیہوش کیا اور پھر پھندا لگا کرگلاگھونٹ دیا ، پولیس نے مالک مکان مطلوب عرف کامران ولد عبدالحمید کو بھی گرفتار کرلیا گیا۔پولیس کے مطابق مقتول فیکٹری میں ملازمت کرتا تھا اور کوئی اولاد نہیں تھی ۔پولیس مقدمہ درج کرکے مزید تفتیش شروع کردی ۔